Kese WhatsApp Par Milega Marriage Certificate Aur Driving License?

WhatsApp Par Milega Marriage Certificate Aur Driving License

Ab Delhi wasiyon Ko Nahi Lagane Padenge Sarkari Daftaron Ke Chakkar. Delhi Sarkar ek nayi digital suvidha laane ja rahi hai, jisse ab logon ko government offices ke chakkar lagane ki zarurat nahi padegi.

Ab aap ghar baithe hi WhatsApp ke zariye kai important documents ke liye apply kar sakte ho — jaise marriage certificate, driving license, caste certificate, aur bhi kai services.

Apply karne ke baad document seedha WhatsApp par hi mil jayega, jise aap turant download bhi kar sakte ho.

WhatsApp Governance Kya Hai?

Delhi Sarkar ‘WhatsApp Governance’ naam ki ek khaas initiative shuru karne ki tayyari kar rahi hai.

Iske tahat, Delhi ke log ghar baithe kai government services ka labh utha sakenge.

Matlab ab aapko Marriage Certificate, jaati praman patra (Caste certificate), driving license jaise documents ke liye office nahi jaana padega.

Bas ek WhatsApp message bhejna hoga aur poora kaam ho jayega.

WhatsApp Governance: Ek Click Mein Kai Services

Sarkari adhikariyon ke mutabik, is nayi WhatsApp platform ke zariye Delhi ke nagrikon ko multi-departmental services ek hi jagah milengi.

Iske liye aapko koi extra mobile app download karne ki bhi zarurat nahi hogi.

Ab na line mein lagna padega, na agents ke chakkar.

Iska main goal hai — sahuliyat (convenience), transparency, aur governance efficiency ko badhana.

Purani Doorstep Delivery Yojna Ki Jagah Nayi Technology

Isse pehle Delhi Sarkar ne ‘Doorstep Delivery Yojna’ shuru ki thi, jisme logon ko 30 se zyada sarkari services ghar baithe milti thi.

Lekin ye yojna pichle ek saal se band hai, aur sarkar ab ise officially khatam karne par vichar kar rahi hai.

Kyu Hai Ye Nayi Pehal Zaruri?

Sarkari adhikariyon ke hisaab se, pichle kuch saalon mein logon ko lambi line, agents aur complex process se kaafi pareshaani ho rahi thi.

Is problem ko solve karne ke liye, Dilli Sarkar ne AI (Artificial Intelligence) aur modern technology ka use karke ye nayi yojna banayi hai.

WhatsApp Governance Kaam Kaise Karegi?

Shuruaat mein, 25 se 30 services is platform par available hongi.

Yeh process kuch is tarah se chalegi 👇

▶Step 1: Sarkar ek dedicated WhatsApp number release karegi.

▶Step 2: Citizens is number par sirf ‘Hi’ message bhej kar process shuru kar sakenge.

▶Step 3: WhatsApp chat mein alag-alag departments ke forms ke options milenge.

▶ Step 4: Documents verify hone ke baad, certificate QR code ke saath WhatsApp par hi download kiya ja sakega.

Delhi Sarkar ka ye step ek digital revolution ki taraf bada kadam hai.

Isse na sirf logon ka time bachega, balki sarkari system mein transparency aur efficiency bhi badegi.

Ab Delhi ke log ghar baithe WhatsApp par hi apne official documents bana sakenge bina kisi tension ke.