ChatGPT Agent Kya Hai? Madadgaar Dost Ya Digital Khatarnaak Monster?

1) ChatGPT Agent Kya Hai?

Socho aapko apna calendar rearrange karna hai, doctor find karna hai, appointment fix karna hai, ya competitors ka research karke ek detailed report banani hai.
ChatGPT Agent ab yeh sab aapke liye kar sakta hai.
Yeh websites browse karta hai, code run karta hai, data analyse karta hai, slide decks aur spreadsheets banata hai.

Pehle ke OpenAI tools—Operator (jo web navigate karta tha) aur Deep Research (jo information analyse aur summarise karta tha)—ab ek single system me merge ho gaye hain.
Sabse badi baat, aap control me hote ho: Agent har important kaam se pehle aapse permission leta hai, aur aap chahe to kabhi bhi stop ya override kar sakte ho.

2) ChatGPT Agent Kaise Kaam Karta Hai?

• Visual browser: Websites ke saath bilkul insaan ki tarah interact karta hai.
• Text-based browser: Heavy reasoning wale searches ke liye.
• Terminal: Code execute karne ke liye.
• API Access: Direct apps jaise Gmail, GitHub se data fetch karne ke liye.

Aap apne login credentials use karke personalised content tak pohonch sakte ho. Yeh apna virtual computer chalaata hai jo multiple tools ke beech context maintain karta hai. Agent browsers switch kar sakta hai, files download/edit kar sakta hai.

3) ChatGPT Agent Kya-Kya Kar Sakta Hai?

• Travel: Sirf suggestions nahi, booking sites par jaake form fill karega, reservation karega (aapki permission ke baad).
• Emails: Invitations find karega, calendar me meetings schedule karega, follow-up emails send karega.
• Shopping: Price comparisons karega aur best deals dhoondega.

4) OpenAI Ki Warning – Kya Yeh Dangerous Hai?

OpenAI ne bola ki theoretically yeh agent dangerous biological ya chemical substances banane me misuse ho sakta hai. Lekin koi concrete proof nahi hai.
Isliye OpenAI ne highest safety measures lagaye hain:

• Threat modelling
• Harmful requests refuse karne ka training
• Automated monitoring for risky behaviour

5) Misuse Ko Kaise Rok Sakte Hain?

i) Minimum Access Do

OpenAI CEO Sam Altman kehta hai: Har task ke liye sirf utni hi access do jitni zarurat hai.

ii) Human-in-the-Loop Approach

Nasscom ke mutabik AI ko responsibly scale karne ke liye human oversight jaruri hai.

iii) AI Literacy Badhao

MIT Fellow Ja-Nae Duane kehti hain ki users ko tool ki strength aur limits samajhni chahiye, especially sensitive data handle karte waqt.